Friday, October 16, 2009, 9:33 pm
Limo minik yang lalu, c masih bisa tagalak senggeang, tapi sasudah mandanga carito pikaro pitih , pikiran langsuang kusuik.
Ndeh… bilo lah kasudahannyo ko?
Dari dulu, ikolah yang paliang c ndak suko, pamasalahan pitih, pitih jo lai, banyak na inyo mambaok masalah. Dulu dek awak masih ketek jadi indak mangarati bana, c acok marameh2 pitih dek galigamannyo, inyo se taruih pangka balanyo (padahal manusia subana2nyo yang punyo karajo mabuek masalah jo pitih tu), dek pitih urang amuah basitagang, indak pandang bulu, sia jo bisa dicacanyo, kok kawan, kok lawan, kok adiak, kok ipa, kok tatangga subaliak dindiang, kok laki, kok kunun malah ka induak, dipupuah se, dek pitih jo baru tu, sasado alahnyo, kok urang barado, ndak lai kalau indak bapunyo, paniang dek itu se.
Tapi kalau ndak bapitih baharato wak indak bisa lo iduik doh, indak bisa manikmati kamudahan doh.
Subananyo sagalonyo bagatuang ka awak, jikok bisa hati dipalapang-lapang bilo bahadapan jo perpitihan ko, kan rancak bana, sakatuju bana tu mah, bakarilaan tu ado lo tasangkuik rajaki wak di situ, indak harus basikareh basibanak se jo harato nan dipacikaroan tu doh.
Alah mah, urang gadang kadang sulik dimangarati pamikirannyo, babalik-balik, ditransfernyo lo sakik kapalonyo ka awak, usah lai, basaba se lah…
Ndak rajaki tu doh… jan disabuik jo lai…
Ps : manusia emang selalu diuji dengan harta, tahta dan wanita, hmmm… yang ganas2 aja semuanya L
Tidak ada komentar:
Posting Komentar